సాలూరు రాజేశ్వర రావు- ర’సాలూరు’ రాజే’స్వర’ రావు

“మెలొడీ” అనే మాట వినగానే సినీ సంగీతాభిమానులందరూ ఏకాభిప్రాయంతో తల్చుకునేది సాలూరు రాజేశ్వర రావు గారిని అంటే అతిశయోక్తి ఎంతమాత్రమూ కాదు. శాస్త్రీయ సంగీతంలో దిట్ట అయిన ఆయన శాస్త్రీయ, లలిత సంగీతాల సమ్మేళనంగా ఆణిముత్యాల్లాంటి మధుర సినీ గీతాలను అసంఖ్యాకంగా మనకి అందించారు. అనేక ప్రయోగాలను చేశారు. కొన్ని గీతాలను ఇంగ్లీష్ గీతాలనుంచి ప్రేరణ పొంది కొద్ది చాయలతో మాత్రమే వాటిని అచ్చ తెలుగు పాటలుగా మలిచారు. పాశ్చాత్య సంగీత ధోరణులను తొలిసారిగా తెలుగు సినీ రంగంలో ప్రవేశపెట్టిన ఘనత ఆయనది. చంద్ర లేఖ సినిమా ఇందుకు ఒక ఉదాహరణ.

ఆలిండియా రేడియోకి సోలో గానూ, రావు బాల సరస్వతి తోనూ కలిసి ఆయన పాడిన లలిత గీతాలు 1940 ల్లో యువ హృదయాలను ఉర్రూతలూగించాయి. “పాట పాడుమా కృష్ణా పలుకు తేనెలొలుకునటుల”…”చల్ల గాలిలో యమునా తటిలో..” “ఓ యాత్రికుడా..” వంటి పాటలు ఈ నాటికీ ఆయన సంగీతాన్ని అభిమానించే వారికి గొప్ప ఆస్థి కిందే లెక్క! స్త్రీ స్వరపు పోలికలు కలిగిన సన్నని స్వరంతో ఆయన పాడిన లలిత గీతాలు ఆలిండియా రేడియో పుణ్యమా అని సంగీతాభిమానుల దాహార్తి తీర్చాయి.

సినిమాల్లో ఆయన ప్రావీణ్యం కొత్త పుంతలు తొక్కి, మెలొడీకి పెద్ద పీట వేయడమే కాక, కొన్ని సినిమాలను ఈ నాటికీ మ్యూజికల్ హిట్లు గా నిలబెట్టింది.తెలుగు సినిమా సంగీతాన్ని ఆరాధనీయమైన స్థాయికి తెచ్చింది రాజేశ్వర రావు గారేనన్నా అతిశయోక్తి కాదు.

సినిమా పాటలకు బాణుల్ని సమకూర్చే విషయంలో రాగాలతో ఆయన అలవోకగా ఆడుకున్నారు. రాగ లక్షణాన్ని కూడా మార్చేసి దుఃఖాన్ని స్ఫురింపజేసే రాగంలో నృత్య గీతాలకు కూడా బాణీలను కట్టారు. అలాంటి అచంచల ప్రయోగాల్లో మచ్చుకు కొన్ని….


మిగిలిన్ భాగం ఇక్కడ చదవండి

http://navatarangam.com/2008/10/saluru-rajeswara-ra/

enemy at the gates

‘రెండవ ప్రపంచ యుద్ధాన్ని మలుపు తిప్పిన రోజు ఏది’ అన్న ప్రశ్నకి కొందరు చరిత్రకారులు ‘జూన్ 6, 1944′ (నార్మండీ వద్ద జరిగిన డి-డే పోరాటం) అంటే మరి కొందరు ‘డిసెంబర్ 7, 1941′ (పెర్ల్ హార్బర్ మీద జపాన్ వైమానిక దాడి) అంటారు. ఎక్కువమంది మాత్రం ముక్త కంఠంతో ‘జూన్ 22, 1941′ అని చెబుతారు. హిట్లర్ ఆదేశాలతో జెర్మన్ దళాలు సోవియెట్ యూనియన్ మీద మెరుపు దాడి చేసిన రోజది; ఇష్ఠమున్నా లేకున్నా స్టాలిన్ ఎర్ర సైన్యాన్ని కదనరంగంలోకి ఉరికించాల్సిన అవసరం కల్పించిన రోజది. జెర్మనీకి వ్యతిరేకంగా సోవియెట్ యూనియన్ రంగంలోకి దిగకపోయుంటే రెండవ ప్రపంచ యుద్ధ ఫలితాలు మరోలా ఉండేవనే విషయంలో చరిత్రకారులెవరికీ రెండో అభిప్రాయం లేదు.

రెండవ ప్రపంచ యుద్ధంలో జెర్మన్-సోవియెట్ సైన్యాల మధ్య చెదురు మదురు సంఘటనలు, చిన్నా పెద్దా సైనిక చర్యలు, పోరాటాలు అనేక చోట్ల జరిగినా, వాటన్నిటిలోకీ తలమానికమైనది జెర్మన్ల చేత కీలక సోవియెట్ పారిశ్రామిక నగరం స్టాలిన్‌గ్రాడ్ ముట్టడి. ఓల్గా నది ఒడ్డునున్న ఈ నగరంపై పట్టు ఇరువర్గాలకూ వ్యూహాత్మకంగా అత్యంత ముఖ్యమైనది.
రచన :అబ్రకదబ్ర

మిగిలిన భాగం ఇక్కడ చదవండి

http://navatarangam.com/2008/10/enemy-at-the-gates/

క్రాక్..(కేక రివ్యూ)

ఈ సినిమా ప్రారంభం నుంచీ హీరోని హీరోయిన్ ముద్దుగా సన్నోసోడా అని పిలుస్తూంటుంది… సినిమా చివరకు వచ్చేసరకి హీరో కూడా పరిణితి చెంది హీరోయిన్ ని ప్రేమగా సన్నాసిదానా అని పిలుస్తాడు. ఇదంతా చూసిన ప్రేక్షకుడు కూడా ఏం చేయాలో అర్ధం కాక ‘సన్నాసి సినిమా’ అని అరుస్తాడు. క్లైమాక్స్ లో చిన్న ట్విస్టుని నమ్ముకుని చేసిన ఈ చిత్రంలో యూత్ ని రెచ్చగొట్టాలని కొన్ని సీన్లు అనుకున్నా ఫ్రధానంగా కథన లోపమై శాపమై నిలిచింది.దాంతో ఓవర్ పబ్లిసిటీ,తేజ కాంట్రావర్సీ స్టేట్ మెంట్స్,రెచ్చగొట్టే ప్రోమోలుతో ఓపినింగ్స్ వచ్చినా వారం కూడా నిలబడుతుందా అనే సందేహాన్నే మిగులించింది..

స్టోరీ లైన్…

అర్జున్(రాజా)తన పల్లెలో పరిచయమైన సుజాత(ఇషానీ)నే ప్రేమిస్తూంటాడు.కానీ సుజాత కి అర్జున్ క్లోజ్ ప్రెండ్ కిరణ్(అనూప్) తో మ్యారేజ్ సెటలవుతుంది. ఆ పరిస్ధితుల్లో ఆమె తన లవర్ అర్జున్ ని అసలు విషయం కిరణ్ కి చెప్పమని ఒత్తిడి చేయటంతో చెప్తాడు. అప్పడు కిరణ్ ఏం నిర్ణయం తీసుకున్నాడు…

రచన--–జోశ్యుల సూర్య ప్రకాష్

మిగతా భాగం ఇక్కడ చదవండి..
http://navatarangam.com/2008/10/keka-telugu-film-review/

సినిమాల్లొ మంచంటే ఏమిటి

చలనచిత్ర సమీక్ష అన్నది సరిగ్గా ఎప్పుడు మొదలయ్యిందో చరిత్రకారులు చెప్పాల్సిన మాట.కానీ చిత్ర సమీక్షలు ఎన్నో రకాలు అన్నది అసలుసిసలు మాట కాగా,భారతదేశం లో చలనచిత్రాలు ప్రారంభమైన చోటే చిత్రసమీక్ష కూడా నిలిచిపోయిందనీ,పెద్దగా ఎదిగింది లేదని పలువురి అభిప్రాయం.అయితే సమీక్షలు సాధారణంగా తెలియజేసేవి అసలు మంచి సినిమాలు అంటే ఏమిటీ?చెడ్డసినిమాలు అనగా నేమి?అన్నది.కానీ సినిమాల్లొ మంచంటే ఏమిటి?చెడు ఎవరికి లేదా ఎవరికి చెడ్డ అని ప్రశ్నించే సమీక్షకురాలు,రచయిత్రి,నిర్మాత,దర్శకురాలు జుడిత్ విలియమ్సన్.బ్రిటన్ కు చెందిన జుడిత్ తనను తాను ఫెమినిష్టు,మార్క్సిస్టుగా చెప్పుకుంటారు,కానీ కొన్నిసార్లు ఆ పంధాకు కట్టుబడరని మరికొందరు విమర్సకులంటారు.జుడిత్ రచనలు చాలా కాలంగా పత్రికల్లో వెలువడుతూనే ఉన్నాయి.వాటిలో చాలా భాగం పుస్తకరూపంలొ కూడా వచ్చాయి.ఆమె రచనల్లో సినిమాప్రియులను,ముఖ్యంగా సినీసమీక్షకులు, విమర్శకులకు ఉపయోగపడేది,”డెడ్ లైన యట్ డాన్”అన్నది.

రచన:రాజేంద్ర కుమార్ దేవరపల్లి

మిగతా భాగం ఇక్కడ చదవండి

http://navatarangam.com/2008/10/deadline-at-dawn/

చదివారా,తగలెయ్యండి...

Coen brothers ఈ సారి meaningless comedyతో ముందుకొచ్చారు. గత సంవత్సరం ఆస్కార్ పంట పండించిన నో కంట్రీ ఫర్ ఓల్డ్ మన్ నే మసిపూసి మారెడుకాయచేసినట్టు ఉన్న ఈ Burn after reading సినిమా కాలక్షేపానికి ఒకసారి చూడొచ్చు. సినిమా అంతా చాలా ఆహ్లాదంగా నడిచినప్పటికీ ఎందుకో అనుకున్నంత స్ధాయిలొ లేదనిపిస్తుంది. ఒకవేళ హాలివుడ్ దీగ్గజాలందర్నీ పెట్టుకొని ఇలా spy comedy పేరుతో ప్లాట్‌ని పూర్తిగా మర్చిపోవడమే అందుకు కారణం కావచ్చు.
కధలోకి వస్తే CIA ఎనాలసిస్ట్ గా పనిచేసే Cox(John Malkovich)ని తాగుబోతు ముద్రవేసి వేరే సెక్షన్లోకి ట్రాన్స్ఫర్ చేసే తంతుతో మొదలవుతుంది.

Cox మాత్రం అసలు కారణం చెప్పకుండా తనను తాగుబోతుగా చిత్రీకరిస్తున్నారని ఫీలైపొయి ఉద్యోగానికి రాజీనామా చేసేస్తాడు. తన CIA అనుభవాలతో ఒక memoir రాద్దామని నిర్ణయం తీసుకుంటాడు. మరోవైపు Cox భార్య Katie(Tilda Swinton) Harry(George cloony) అనే ట్రెజరీ ఏజెంట్‌తో ప్రేమాయణం సాగిస్తూ ఉంటుంది.

Cox నుండి విడాకులు తీసుకోవడానికి నిర్ణయించుకున్న Katie లాయర్ ఆజ్ఞ ప్రకారం Cox లేని సమయం చూసి అతని కంప్యూటర్‌లోని పర్సనల్ డేటా అంతా ఒక CDలోకి కాపీ చేసిస్తుంది. ఆ లాయర్‌గారి సెక్రటెరీ ఆ CDని ఒక gym lockerలో పెట్టి మర్చిపోతుంది. అంతకుముందే హార్డ్ డ్రైవ్ మీద ఒక కాపీ ఉందడంతో మరో కాపీ రెడీ చేసి సమస్య తీరిపోయిందనుకుంటుంది. కానీ....

రచన :శంకర్

http://navatarangam.com/2008/10/burn-after-reading-forget-after-watching/

ప్లీజ్ ప్లీజ్ పులి మామా!

సత్యజిత్ రాయ్ రాసిన ఏడు వ్యాసాల సంకలనం - మేకింగ్ మూవీస్ లో ఇది ఏడవ, చివరి వ్యాసం. ఆరో వ్యాసం ఇక్కడ చదవొచ్చు. ఇక్కడితో ఈ వ్యాస పరంపర సమాప్తం. మొత్తం అన్ని వ్యాసాలనూ డిసెండింగ్ ఆర్డర్ లో ఇక్కడ చదవొచ్చు.
Disclaimer:
The objective of translating these articles in to Telugu is to ensure that the works of Satyajit Ray are appreciated and understood. His vision, artistry and humanity remain an example and inspiration to the generations of film-makers and the film-going public. The object of the translation is not toward a commercial benefit,our motive is clearly non-profit. Please do get in touch with us in case you have any problem.

Goopy Gyne Bagha Byne సినిమా వచ్చిన చాలారోజులకి నేను దానికి కొనసాగింపుగా “హిరాక్ రాజ్య దేశే” (వజ్రాల రాజ్యం) అన్న సినిమా తీద్దామనుకున్నాను. గూపూ,బాఘా ఇద్దరూ ఈ సినిమాలో కౄరుడు, నిరంకుశుడు అయిన వజ్రాలరాజు రాజ్యంలోకి అడుగుపెట్టాక వాళ్ళ వీరగాథల గురించిన సినిమా ఇది. వజ్రాలరాజు ఖజానాలో ఓ పెద్ద పెట్టె నిండా వజ్రాలు ఉన్నాయి. గూపీ, బాఘా రాజభటులకు లంచం ఇవ్వడానికి వాటిలోంచి కొన్ని దొంగిలించాలి. కౄరుడైన రాజుని పదవీచ్యుతుణ్ణి చేయడం ఈ భటుల్ని కొనగలిగితేనే సాధ్యం. స్థానిక గురువు ఉదయన్ పండిట్ ఆలోచన ఇది. వజ్రాల రాజు నిరంకుశత్వానికి చరమగీతం పాడడానికి గూపూ, బాఘాలు ఇతనితో చేయి కలిపారు. వీళ్ళిద్దరూ ఖజానా చేరుకుంటారు. తలుపు వద్ద అటూ ఇటూ తిరుగుతున్న కాపలా భటుడు ఒకడు ఉంటాడు. కానీ, దయ్యాలరాజు ద్వారా గూపీ కి ఒక వరం దక్కి ఉంటుంది. అతను పాడుతూ ఉంటే ఎవరూ ఓ అంగుళం కూడా కదలలేరు, ఒక్క మాట కూడా మాట్లాడలేరు. కనుక, అతను పాట పాడుతూ ఉంటే, బాఘా తేలిగ్గా కాపలావాడి చేతులు తాళ్ళతో కట్టేసి, నోరు మూసేసి అతని దగ్గర్నుండి తాళం తీసుకుంటాడు. తరువాత వాళ్ళు ఆనందంగా ఆ పెద్ద ద్వారాన్ని, దానికున్న పెద్ద తాళాన్నీ తీసి, ఇక ఏ అడ్డంకులూ లేవూ అనుకుంటూ లోపలికి అడుగుపెడతారు. అక్కడ ఆ పెట్టెకున్న తాళాలు విప్పే తాళం చెవిని ఓ పులు కాపలా కాస్తూ ఉందని వాళ్లెలా ఊహించగలరు? గూపీ పాడగలిగితే పులి కూడా స్థాణువౌతుంది కానీ, భయంతో గొంతెండిపోయిన గూపీ ఎలా పాడగలడు?

అతను ఎంతో కష్టపడి చివరికి -
రచన- సౌమ్య

మిగిలిన భాగం ఇక్కడ చదవండి


http://navatarangam.com/2008/10/making-moviesessay-7/

మాన్ సూన్ వెడ్డింగ్ చూద్దామా

బిగ్ ఫేట్ పంజాబ్బీ వెడ్డింగ్ నేపధ్యంలో న్యూ ఢిల్లీ లో తీసిన సినిమా.. మీరా నాయర్ దర్శకురాలు ! వెడ్డింగ్ అన్న మాట పేరులో చూసి, ఇదేదో డాన్సూ, పాటలూ, సరదా, సంబరం లాంటి ఎలిమెంట్స్ మాత్రమే నింపకుండా, మంచి కధ లా తీసిన, చెక్కగా, సున్నితంగా సాగిపోయే సినిమా ఈ మోన్సూన్ వెడ్డింగ్ !

సాధారణంగా పెళ్ళిళ్ళను ఎంతో రొమాంటింక్ గా.. ఎంతో సంతోషంతో - అందరు పాత్రలూ, పాత్రధారులూ సంబరంగా జరుపుకునే ఈవెంట్ లాగా తీస్తారు సినిమాల్లో. అదే సందర్భంగా పెళ్ళింట్లో, పట్టుచీరల రెపరెపలు, ఫెళ్ళుమని ఖర్చయిపోయే రూపాయలూ, పందిళ్ళూ, బాజాలూ, బాజంత్రీలూ, పెట్టుపోతలూ, కృత్రిమమో, నిజమో గానీ బోల్డన్ని ఆప్యాయతలూ, అనురాగాలూ ఆర్భాటంగా ప్రదర్శితమయ్యే సందర్భం - పెళ్ళి. మోన్సూన్ వెడ్డింగ్ - అడావుడిగా ముప్ఫయి రోజుల్లోనే షూట్ చేసిన పకడ్బందీ సినిమా. మీరానాయర్ లాంటి దర్శకురాలూ, థియేటర్ నుంచీ వచ్చిన మెఱికల్లాంటి నటీనటులూ, మరీ ఆర్టు మూవీలాగా కాకుండా, భలే సరదాగా - గమ్మత్తయిన కధనం తో, జీవితపు అన్ని పార్శ్వాలనూ స్పృసిస్తూ తీసిన ఈ సినిమా ఒక తప్పకుండా చూసి తీరాల్సిన ‘మేడ్ ఇన్ ఇండియా’ సినిమా.



సినిమా.. ఒక ఎగువ మధ్యతరగతి కుటుంబానికి సంబంధించిన నేపధ్యంలో మొదలవుతుంది. తంబూ వాలా (పెళ్ళి పందిరి వేసే వాడు / కాంట్రాక్టరు), పనిమనిషీ కూడా మన ఈ చిత్రం లో ముఖ్య పాత్రలు! ఈ పాత్రలకి సినిమా ప్రధాన ప్లాట్ తో ఏ సంబంధం లేకపోయినా, మన జీవితాల్లో ఇతరుల జీవితాల కలబోత స్పష్టంగా, క్యూట్ గా చూపిస్తారు దర్శకురాలు. ఒక పారదర్శకత తో - కొత్త భారతీయ జీవితాన్ని చూడండి - ఆధునికత, ప్రాచీనత, విలువలూ, నాగరికతా, ఇవన్నీ, కలగలిసిపోయి, ఫేషనబుల్ యువత, సెక్స్ - దోపిడీ - ఇలా అన్నీ కలగైసిపోయి, నేటి మన జీవితాన్ని మన ముందు అందమయిన ప్లేటర్ లో చెక్కగా పేర్చి కొందరి కధల్ని కలగలిపి (ప్రతీ పాత్ర కీ ఒక కధ ఉంటుంది, ప్రతి ఫ్రేం చూడతగినది) అందంగా వొడ్డించిన వంటకం ఈ మోన్సూన్ వెడ్డింగ్.


http://navatarangam.com/2008/10/monsoon-wedding/