నవతరంగం లక్ష పేజీల మైలు రాయిని దాటిన సందర్భంగా

నవతరంగంలో విజయవంతంగా ఎనిమిది నెలలు గడిచాయి.ఈ నెలలో నవతరంగం లక్ష పేజీల మైలు రాయిని దాటిన సందర్భంగా అందరికీ మరో సారి ధన్యవాదాలు.

వచ్చే నెల (సెప్టెంబర్)లో నవతరంగం లో విశేషాలు:

ఫోకస్ - ఈ నెల డబుల్ బిల్

బాపు: గతంలో ప్రకటించినట్లుగా ఫోకస్ శీర్శిక డేవిడ్ లీన్ మీద కాకుండా బాపు మీద చేయాలనుకుంటున్నాము.సంతకం అక్కర్లేని చిత్రకారుడు, టైటిల్ కార్డ్ అక్కర్లేని చలనచిత్ర దర్శకుడు, శ్రీ బాపు తన కదలని, కదిలే బొమ్మలతో ఎనలేని భావాలను అలవోకగా ప్రకటించినా, తన సినిమాల గురించి అరుదుగా మాట్లాడే ’మితభాషి.’ మొదటిసారిగా తన చిత్రాల సిత్రాలను పాఠకుల ముందు పరుస్తున్నారు. ఆస్వాదించండి.....

తపన్ సిన్హా: భారత ప్రభుత్వం సినీ కళాకారులకు అందచేసే అత్యుత్తమ పురస్కారం ’దాదా సాహెబ్ ఫాల్కే అవార్డు’ 2006 సంవత్సరానికి గాను ప్రముఖ బెంగాలీ/హిందీ చిత్ర తపన్ సిన్హా కు ఇస్తునట్టుగా ప్రకటించిన సందర్భంగా ఆయన గురించే కాకుండా ఆయన సినిమాలతో కూడిన వ్యాసాలను కూడా ప్రచురించబోతున్నాము.

ఈ నెల సినిమా - ఇది కూడా డబుల్ బిల్లే!

వచ్చే నెల లో ప్రతినెల లాగే ’ఈ నెల సినిమా’ శీర్షికన ఒక మంచి సినిమాను పరిచయం చేయాలనుకుంటున్నాము. కానీ నెలంతా ఒక్క సినిమానేనా అనిపించే వారికి ఈ నెల నుంచి ’ఈ నెల సినిమా’ శీర్షిక ఈ నెల సినిమాలుగా మార్చి రెండు సినిమాలు పరిచయం చేయాలనుకుంటున్నాము. ఈ నెల సినిమాలు:

ముంబయ్ మేరీ జాన్:గతంలో తన తొలి చిత్రమైన ’డోంబ్లివిల్లి ఫాస్ట్’ అనే మరాఠీ చిత్రంతో ఎన్నో చలనచిత్రోత్సవాల్లో ప్రశంసలందుకున్ననిషికాంత్ కామత్ దర్శకత్వంలో వచ్చిన ’ముంబయ్ మేరీ జాన్’ సినిమా ఈ నెల సినిమాలో మొదటిది.

టైమ్స్ అండ్ విండ్స్: ఈ మధ్య ఎక్కడ పట్టినా సినీ విమర్శకుల నోట బాగా నలుగుతున్న ఒక టర్కిష్ సినిమాని మన తెలుగు వాళ్లకీ పరిచయం చేయాలనే ఉద్దేశంతో ఈ నెల సినిమా శీర్షికలో పరిచయం చేయబోతున్న రెండో సినిమా ’టైమ్ అండ్ విండ్స్’

మిగిలినవి:ప్రపంచ సినిమా ఉద్యమాల శీర్షికన భావవ్యక్తీకరణ వాదం సీరీస్ లో ఇప్పటికే రెండు వ్యాసాలు ప్రచురింపబడ్డాయి. ఈ నెలలో భావవ్యక్తీకరణ వాదపు సినిమాలలో ముఖ్యమైన ’The Cabinet of Dr Caligari', 'M' మరియు 'Nosferatu’ సినిమాల పరిచయమే కాకుండా ఆ సినిమాలను వీక్షించే అవకాశం కూడా కల్పించాలనే ప్రయత్నం చేస్తున్నాము.

ఇవి కాకుండా ఇప్పుడు జరుగుతున్న వెనిస్ చలనచిత్రోత్సవం మరియు సెప్టెంబర్ లో జరిగే టొరాంటొ చలన చిత్రోత్సవం విశేషాలు కూడా పొందుపరుస్తాం. ఇవి కాకుండా ఎప్పటిలాగే కొత్త సినిమా సమీక్షలు, విశ్లేషణలు కూడా ప్రచురిస్తాము.

పైన పేర్కొన్న విభాగాలలోనే కాకుండా సినిమాకి సంబంధించిన ఏ అంశం మీదనైనా మీరు వ్యాసాలు రాసి పంపితే నవతరంగంలో ప్రచురిస్తాము.

-- శిద్దారెడ్డి వెంకట్

సినిమా రచనలకు స్వాగతం!

సినిమా రచనలకు స్వాగతం!




తెలుగు బ్లాగులప్రపంచంలో ఇవ్వాళ ఎందరో సినిమాలను గురించి వైవిధ్యభరితమైన రచనలను వెలువరిస్తున్నారు.సాధారణంగా పత్రికల్లో వెబ్ సైటుల్లో,టీవీ చానళ్ళలో ఎప్పుడూ కనివిని ఎరుగని రీతిలో సినిమాలను గురించి బ్లాగర్లు రాస్తున్నారు.గతంలోలా కొన్ని వెబ్ సైట్లు ఇచ్చే రేటింగులను బట్టి కాకుండా ఇప్పుడు తెలుగుబ్లాగులు చదివి సినిమాలను చూడాలా?మానాలా అనే స్థాయికి పాఠకులు చేరుకున్నారంటే,వారిని చిత్రహింసలనుంచి,చిత్రవధలనుంచీ తప్పిస్తున్న బ్లాగర్లదే అపుణ్యమంతా.
జనవరి ఒకటో తారీఖు,2008 న ప్రారంభమయిన నవతరంగం.కాం - దినదినప్రవర్ధమానమై పాఠకాదరణలో ప్రధమస్థానానికి చేరువుతూ ఉంది.నిర్వాహకులుగా మేమెవ్వరమూ ఊహించని స్థాయిలో అంటే వ్యాసాల సంఖ్యాపరంగా,వస్తువైవిధ్యపరంగా,కామెంట్ల పరంగా,విజిట్ల పరంగా ఇలా ప్రతిరోజూ కనీసం ఒక్క కొత్తవ్యాసం,విశ్లేషణతో వెలువడుతుంది.
రాబోయే నాలుగు నెలల్లో నవతరంగం ఫోకస్ విభాగంలో ఈ క్రింది దర్శకులపై విమర్శనాత్మక వ్యాసాలు, విశ్లేషణలు, సినిమా సమీక్షలు ప్రచురిస్తున్నాము. ఆసక్తి వున్నవారు తమ వ్యాసాలను navatarangam [at] gmail [dot] com కు పంపగలరు.
సెప్టెంబరు:డేవిడ్ లీన్
అక్టోబరు:బాపు
నవంబరు:Andrzej Wajda
డిశెంబరు:???(ఈ నెలలో ఎవరి మీద ఫోకస్ చేయాలో మీరే నిర్ణయించండి. ఫలానా దర్శకుడు అని మీరు కామెంట్ చేస్తే ఎక్కువ మంది కోరిన దర్శకునిపై ఈ నెల ఫోకస్ శీర్షిక నడుస్తుంది.)
అలాగే ఈ సంవత్సరం చక్రపాణి గారి శతజయంతి సంవత్సరం కాబట్టి చక్రపాణీ గారి గురించి ఒక ప్రత్యేక శీర్షికలో వ్యాసాలు ప్రచురించాలనుకుంటున్నాము. ఈ శీర్షిక కోసం కూడా పాఠకులు తమ వ్యాసాలను పంపించవచ్చు.
ఫోకస్ విభాగంలో మాత్రమే కాకుండా సినిమాకు సంబంధించిన వ్యాసాలు కూడా పంపవచ్చు. రెగ్యులర్ గా రాసే ఉద్దేశం వుంటే సభ్యత్వం కోసం నమోదు చేసుకోవచ్చు.
వివరాల కొరకు navatarangam [at] gmail [dot] com కు మెయిల్ చేయగలరు.
నవతరంగం పాఠకుల సలహాలు అభిప్రాయాలు కూడా కోరుతోంది. గత ఎనిమిది నెలలుగా దాదాపు ప్రతి రోజూ ఒక వ్యాసంతో పాఠకులను అలరిస్తున్న ఈ వెబ్ సైటు ని మరింత మందికి చేరేలా చేయడానికి, మరిన్ని వ్యాసాలు రావడానికి తెలుగు సినిమాపై ఆరోగ్యకరమైన చర్చ జరగడానికి భవిష్యత్తులో ఇంకా ఏమేం చేయాలో మీ అభిప్రాయాలు, సలహాల ద్వారా తెలుపండి.

పోలేండ్ దేశపు ప్రముఖచిత్ర దర్శకుడు అండ్రెజ్ వజ్డా

ఇటీవల చక్రపాణి జయంతి సందర్భంగా రెండు తెలుగు దినపత్రికల్లో వచ్చిన వ్యాసాలు
అలాగే తెలుగుపీపుల్ డాట్ కాం వారు ప్రచురించిన వ్యాసం http://www.telugupeople.com/cinema/MultiContentNew.aspx?contentID=17179&page=1

బాపు

ఇక మన బాపు గురించిన అందమైన,అపురూపసమాచారం ఇక్కడ http://www.bapubomma.com/budugu9.htm#down నిక్షిప్తమై ఉంది.

డేవిడ్ లీన్

సావిత్రి

తెలుగువారి అభినయస్తిరాస్థి అభినేత్రి సావిత్రి గురించి కూడా మీ వ్యాసాలు పంపగలరు.